روايه الظلم حرام _ بقلم كوكي سامح _الفصل الثالث والاخير
سمعت حاجه غريبه بين حماتى وعتاب
عتاب: بقولك اي ي خالتى هى مين البت اللى بره دى
الحماة: والله ما اعرف
عتاب بغضب وتوعد: تعرفى متعرفيش ادينى بقولك اهو انا مش هسيب محسن زى المره اللى فاتت
الحماة: ي بنتى وطى صوتك البت بره تسمعنا
ومش هينفع كده
عتاب: ينفع بقى مينفعش،انا بقولك اهو
المره دى على جثتى يا انا يا هو وقربت منها بغل
وقالت: يأما ترجعيلى كل فلوسى اللى انتى نايمه
علشان محسن إنما دلوقتى مش هسكت ولو اتجوز غيرى هطلب كل فلوسى والبيت بتاع ماما كمان اللى شفطيه فى بطنك هو انتى فاكره نفسك
اي، انا مش هسكت تانى مش كفاية جوزتينى لزفت الطين مكرم
الحماة: شششش اسكتى بقولك
عتاب: مش هسكت
وكان محسن وصل وهما سكتوا وبطلو كلام
وهنا وفاء حكت كل حاجه لصدفه واستغربت لما سمعت عن موضوع الوصيه ده وان الفلوس والبيت ملك لعتاب وكمان ازاى تشتم قصادها ع ابنها مكرم بالشكل ده
وعدى شهرين من معرفه وفاء ومحسن
وحبها اوى وفركش جوازه من عتاب وابتدت المشاكل تحصل فى البيت بسبب انه عاوز يتقدم لوفاء..
اصل عتاب مكانتش ساكته وكل شويه تشاكل خالتها وابتدت تظهر على حقيقتها معاها
خناق ومشاكل كل شويه
وابتدت وفاء تتطنش تليفونات محسن وتتجاهله
وطبعا علشان يطلب ايدها ويتقدم لها وفعلا كان هيتجنن عليها وراح لها لحد بيتها واتقدم
خرجت عمتها المسنه وقعدت معاه وخرجت وفاء وقعدو واتفقوا وقروا الفاتحه وبعدها بأسبوع
محسن طلب منها تيجى علشان تشوف الشقه اللى هتعيش فيها وفعلا راحت ولما شافتها كانت الشقه مفروشة ولما سألته هو ده فرش طليقته
(عتاب واقفه ورا الباب تتسنط عليهم)
