حماتي اخدت بنتي من حضڼي لبنتها الي مش بتخلف بقلم هويدا زغلول

كنت دايما تقولي عليها انها عمرها مامدت ايدها على فلوس وعمرك مالقيت جيبك ناقص
وائل 
طيب يعني لو مكنتش هي هيكون مين ياهند تفتكري مين
هند 
معرفش ياخويا شوف انت بقا وبعدين ليه متكنش اختك اللي عملت كده مانت بتقول ان جوزها اقعد مش بيشتغل او ممكن تكون امك نفسها خبت الفلوس واتهمت مراتك عشان مش عايزاها بص هي الاحتمالات كتير بقا بس الشاطر اللي يثبت
وائل سكت كده شويه وقالها 
بقولك ايه يا حبيبتى سيبك من الموضوع ده وخلينا هنا انتي وحشاني اوي اوي تعالي
وعند عزه نشأت اتصل بيها وقال لها 
ايه ياقلبي عاملة ايه يابت وحشتيني مش هتيجي قريب بقا يازوزه
عزه 
انا عايزة اجيلك النهاردة قبل بكرة يانوشي اصل عايزة اجيب لك الفلوس تخليها معاك لحد الموضوع مايهدي كده بقا
نشأت 
دنا اشيلهم في عنيا ياقلبي والله عشان خاطرك انتي بس بقولك ايه ياقلب نشأت ماتخلي النطع جوزك ده يطلقك وانا اتجوزك بصراحة بقيتي مزة يابت بعد ما اتجوزتي وخلتيني انبسط اوي المره اللي فاتت لما كنتي معايا
عزه 
بجد ياحبيبي يعني عجبتك طيب انا هطلب الطلاق من سليمان واجي لك ونتجوز انت عارف اني بحبك انت من زمان وعايزاك انت مش هو
نشأت 
حياتي انتي يازوزه خلاص هستناكي بكرة في نفس المكان عشان نقضي وقت حلو لحد لما تطلقي ماشي
عزه 
ماشي ياحبيبي انا هجيلك علطول الصبح
وخلصت كلام معاه وبعد شويه رجع سليمان وقالت له 
هو انت ياراجل استحليت القاعده عند امك ليل نهار قاعد عندها ايه ملكش بيت وواحده مستنياك ولا ايه
سليمان 
بيت ايه وواحدة ايه ياعزه مانتي كل يوم عندك امك ومش بتقعدي في البيت خالص
عزه 
يعني لما تبقا حضرتك قاعد من غير شغل انا هصرف منين اديني بروح عند امي اكل واشرب وخلاص وانت كمان عند امك
سليمان 
طيب ماتجيبي الفلوس اعمل المشروع عشان نعيش مبسوطين لما اعمل المشروع بتاعي
عزه ارتبكت
وقالت فلوس فلوس ايه دي اللي اجيبهالك ياسليمان هو انا معايا فلوس اصلا
سليمان 
ايوه ياقلبي الفلوس اللي انتي سرقتيها من امك اوعي تكوني فاكرة اني مش عارف انك انتي اللي سړقتي امك ولبستيها في الغلبانة مرات اخوكي وخليها تتحبس بدالك
عزة 
سليمان انت بتخرف صح ولا ايه
سليمان 
لا مش بخرف ياعزه ولو انتي مش اديتني الفلوس انا هاروح اتجوز الغنية اللي هتقف جنبي وكمان تخلف لي حته العيل اللي نفسي فيه
عزه 
انت كل شوية تهددني خلاص يا سليمان طلقني وروح اتجوز ياحبيبي انا مش عايزة منك حاجة انت كل شويه هتهددني لا يبقا كل واحد فينا يروح لحاله
سليمان 
باااس يبقا انتي كده جبتي الخلاصه كل واحد يروح لحاله احسن انتي طالق ياعزه وورقتك هتوصلك في أقرب وقت يلا انا ماشي
عزه 
بالسلامة ياحبيبي بالسلامة وبركة انك طلقتني
ورجعت عزه عند امها وقالت لها
انا أطلقت ياماما
الام 
ليه ياعزه طلقك ليه الموكوس اللي خالي شغل ده مش كفايه مخلياكي على زمته وهو عواطلي احسن حاجة انه طلقك ابن الموكوسة ده
عزة
ايوه صح في داهية تاخده انا اصلا مكنتش طيقاه خالص ولا كنت طايقه اعيش معاه بقولك ايه ياماما انا رايحة أزور واحده صاحبتي وهقعد معاها شوية وارجع
الام
طيب ياقلب امك روحي ياحبيبتي فكي عن نفسك شوية وتعالي انتي هتلاحقيها منين ولا منين
عزه
الا المخڤيه مرات ابنك فين مش سامعه لها حس خالص ايه راحت في داهيه وارتحنا منها ولا ايه
الام
لا ياختي هي دي بتروح في داهيه ابدا دي عامله زي القطط بسبع أرواح ده الموكوس سمير اخوكي كل شوية يقولي ياماما سبيها ترتاح حرام عليكي هتشيلي ذنبها قولت لها تدخل تتخمد لها نص ساعه وتصحي تشتغل زي العبده عشان اخلص من لسانه اللي عاملي فيها شيخ ده
عزه
اها طيب انا همشي بقا مش عايزة حاجة
ومشيت عزه راحت لنشات بالفلوس وقالت له
جيبت لك الفلوس اهيه ياحبيبي طبعا بعد العده ماتخلص هتتجوزني صح ولا ايه
نشأت
فضل باصص للفلوس وقال لها ااه ااه طبعا ياقلبي هو انا ليا بركة غيرك ياجميل
عزه
الله جرا ايه يانشات هي الفلوس لمعت في عنيك كده ليه ياحبيبي لا فوق كده انت معاك على قلبك ااد كده متعملش انك اول مره تشوف الفلوس
نشأت
الله جرا ايه يازوزه مش بملي عيوني منهم انا
اخدهم بقا اشيلهم معايا ماشي
عزه
ماشي بس برضو هنتجوز امتى بقا
نشأت
هو في ايه ياعزه مافات الكتير مابقاش اللي القليل ياقلبي الصبر حلو وكده
عزه
ماشي ياحبيبي بس لو خليت بيا يانشات والنبي ساعتها ماهيحصل لك طيب
وعند هند وائل راح لها وقال
ايه رايك ياحبيبتي نتجوز دلوقتي واخدك عندنا البيت
هند بفرحة قالت له
بجد يا وائل ياحبيبي طيب يلا بينا انا جاهزة اهو هلم هدومي في ثانية واجي معاك بس مقولتش هنقولهم اننا متجوزين عرفي ولا مش هتعرفهم
وائل
انا بقول بلاش احسن عشان محدش يعرف اننا كنا متجوزين اصلا وهنقول اني اتجوزتك دلوقتي ماشي
هند
طيب ماتتصل بأمك وتعرفها دلوقتي عشان قبل مانروح تبقا عارفه وكده ياحبيبي
وائل
صح عندك حق واتصل على امه وقال لها
انا اتجوزت ياما واحده تانية وهجيبها واجي البيت ماشي انا قولت اعرفك عشان متتفاجئيش
الام
بجد والنبي يا وائل لولولولوي فرحت قلبي ياولا ايوه كده هات لي واحده تكون بنت حلال بدل البومة اللي عايشه معانا دي يلا ياحبيبي تيجي بالسلامة انا مستنياك
وندهت على بنتها وقالت ياعزه ياعزه تعالي اسمعي الاخبار الحلوه تعالي
خرجت عزة من جوه وقالت
في ايه ياماما انتي بتزغرطي ليه فرحيني معاكي
حماتي بصت لاقتني واقفه عند باب المطبخ وقالت لعزه
اخوكي حبيب امه وائل اتجوز واحده زي القمر وجيبها وجاي دلوقتي على هنا بس يابت بيقول انها بنت ناس طيبين اوي مش بنت حرامية
وخرجت ساعتها وقولت
انا مش حرامية ولا بنت حرامية وربنا شاهد عليا وعارف اني مظلومة ومعملتش كده واذا كان ابنك اتجوز فعادي بالنسبة لي يتجوز اصلا طول ماهو ماشي وراكم عمره ماهيرتاح ابدا ولا هيشوف راحة في حياته
عزه
انتي يابت بتغلطي في اخويا دنا هاقوم اجيبك من شعرك دلوقتي وحياة امك الحراميه ولسه جايه عليا عشان تضربني امها قالت لها
استني عندك هنا بلاش تمدي ايدك عليها وسبيها كده تفضل تاكل في نفسها من الغل عشان جوزها اتجوز عليها هيهيهي
عزه
هيهيهي ايوه احسن تستاهل كل اللي يجرا فيها الخدامة دي لما نشوف بقا العروسة اللي جايه دي هتعمل لينا ايه عشان نرضى عنها
الام
ايوه صح عندك بقولك ايه يابت انتي يلي اسمك زفتة دعاء روحي هاتي شوية مايه سخنة وتعالي اغسلي رجلي فيها لحسن بتوجعني ومش قادرة ادوس عليها يلا يابت انتي هتفضلي تبصي لي
وفعلا دخلت المطبخ وجبت الماية وفضلت اغسل لها رجليها فيها ودخل وائل ومعاه هند وانا قاعده تحت رجل حماتي بغسلها ووائل قال
مراتي اهيه ياامي سلمي عليهم ياهند يلا
جات هند على حماتي وانا قاعده بغسل في رجليها وقالت لها
يا اهلا يامرات ابني نورتي البيت اتفضلي ياحبيبتي معلش مش قادرة اقوم لك اصل رجلي ۏجعاني اوي
هند بصت لها بغيظ وقالت
لا سلامتك ياحماتي ولقيت هند بتبص لي بحزن عشان صعبت عليها وقالت هي مين دي ياوائل
حماتي ردت عليها وقالت لها
دي ياختي تبقا الموكوسة مرات وائل عايشه
هنا خدامة ولو عايزاها