غريب في بيتي بقلم هويدا

اعرف منك حاجه دلوقتي هو انتي 
حاسه ان جوزك ابو عيالك ممكن ياخد 
فلوسك ويعمل بيها حاجه انتي عارفه انا بحبك 
ازاي واكيد بخاف عليكي وعلي فلوسك 
واكيد انا لو غالي عندك مش هتقبلي ان يتقال عليا جوز الست
رحاب
يعني هو ده اللي هيريحك يامجدي طيب انا موافقه انا اصلا معنديش أغلى منك انت والعيال
مجدي
ياحبيبتي يارحاب ربنا مايحرمني منك أبدا ياروحي انتي
وبعدها رحاب فعلا كتبت لي نص الشركة باسمي وفي يوم كانت عند امها
الام 
هو انتي ايه ازاي تعملي كده دي الوصيه 
اللي ابوكي قال عليها ليكس
رحاب 

فيه اي يا ماما مجدي انسان محترم 
ولا يمكن يعمل اي حاجه غلط ارجوكي 
بطلي اسلوبك ده بقي
الام 
برحتك يا رحاب بس بكره ټندمي علي اللي انتي 
عملتي ده مافيش راجل ليه امان
رحاب 
ده الراجل بالنسبه ليكي انتي انا واثقه 
في جوزي يا ماما وعارفه انه لا يمكن يعمل حاجه 
تزعلني
الام 
برحتك يا رحاب 
وامها زعلت شوية لكن الموضوع عدي وخلاص وفي يوم لقيت واحد صاحبي راجع من بره وجه وقالي
سعد 
ايه الحلاوه يامجدي اللي على على بقا ياعم وانا اللي كنت جاي عشان افتح شركة في مصر واشغلك معايا جيت لقيتك انت اللي عندك شركة وكبيرة كمان والبركة طبعا في المدام والمرحوم حماك
مجدي
جرا ايه يا سعد في ايه انت جاي تحسدني ولا ايه امسك الخشب ياعم انت وبلاش القر ده
سعد
لا ياحبيبي ولا قر ولا حاجة مبارك عليك يامجدي وحيث كده بقا خلينا نتكلم في البيزينس اللي انا جاي لك عشان انا بقا راجع من امريكا وعايز افتح فرع لشركتي اللي هناك ايه رايك تشاركني
مجدي
ياعم انا معنديش اي مانع طبعا طالما فيها مصلحة لينا انا معاك في اي حاجة المهم بس انت حطني على الطريق وملكش دعوة بصراحه 
انا نفسي اكبر الشركه دي اكتر واكتر واحس بنفسي
سعد
خلاص يامجدي بكرة ابعت لك السكرتيرة بتاعتي عشان تخلص معاك كل الإجراءات بتاعت الشراكة ونبقا احنا الاتنين مع بعض ايد واحده
مجدي
وانا موافق طبعا
وبعدها رجعت البيت وكنت قاعد باكل انا ورحاب وقولت لها تعرفي مين كان عندي النهارده يارحاب
رحاب
مين يامجدي
مجدي
الواد سعد صاحبي اللي كان مسافر أمريكا ده ورجع بقا ومعاه فلوس بالكوم وجالي وعايز يشاركني في الشركة
رحاب
يشاركك ازاى يامجدي وبعدين دي شركة بابا وهو اللي عملها ازاي تجيب واحد غريب وتشاركة مش فاهمة انا وبعدين هو صاحبك ده مش هيكون عايز يخلي الشركه ب اسم مشترك 
وانا لا يمكن اغير اسم شركه بابا
مجدي
حبيبتي بابا لو كان عايش كان هيقولك 
اعملي كده انتي مش فاهمه ده واحد 
دارس برا اكيد هيكون فاهم في كل حاجه
رحاب
اللي تشوفوا يا مجدي انا معاك فيه
مجدي
عارفه يا روحي أنا اكتر حاجه بتعجبني فيكي 
انك زوجه صالحه والله ومس بتقولي لا علي حاجه ليا خالص ربنا يخليكي ليا
رحاب
انت عارف ان بحبك والله ومش عايزه 
ازعلك مني 
بس بقولها لك خلي بالك من فلوس ابويا هو اللي تعب فيها
مجدي
انتي كل شوية هتفضلي تقولي لي الكلام ده يارحاب انتي بتزليني يعني كل شوية كده
رحاب
لا والله ماقصد انا بحبك على فكرة ومقدرش اعمل حاجة تزعلك خلاص اعمل اللي انت عايزة انا هدخل المطبخ اعمل فنجان القهوة
رحاب 
ودخلت رحاب المطبخ وانا قولت النفسي
لما نشوف انت كمان ياسعد وموضوع الشراكة معاك ها يوصلنا لحد فين
وتاني يوم رحت الشركة وانا في المكتب لقيت بنت زي القمر داخله عليا وقالت
سوزي 
صباح الخير انا جاية لحضرتك من طرف سعد بيه
مجدي
اهاااااا سعد يا اهلا وسهلا ياقمر ده سعد ده زي اخويا بالظبط احنا الاتنين واحد
سوزي
فعلا هو حكي لي عنك كتير اوي