زوجة أخي بقلم سهام صادق

ده انا خليت ممدوح يقطع اجازة عيد جوازنا وجيت جري ده انا معملتهاش عشان فرح فارس بس عشان خاطر عيون الجميل اللي واحشني لازم اجيله لو كنت في اخر المريخ
أزاحها شريف عن قدميه قائلا وهو يضحك بقيتي زي الباندا ياسوسو 
ضحكت امها بسعاده من مدعابة بكرها لاخته قائله واخوكي ليه منزلش معاكي مش مشاكل القريه السياحيه بتاعته اتحلت الواد ده واحشني اوي هو ومراته
وجلسوا جميعهم علي طاولة الطعام ليتتهد شريف قائلا ابنك هشام بقي بيزنس مان ناجح اووي ياجحه
أبتسمت امه بسعاده وهي تطعمه بيدها قائله الله يرحمك يامحمود كنت ديما تقولي ولادي هيكونوا رجاله ناجحين مش لازم اكنز ليهم الفلوس اهم حاجه اربيهم واعلمهم وهما بعد كده اللي هيعملوا الفلوس

نظرت نسرين الي اخيها بصمت حتي سمعوا صوت خلفهم اجمل صباح لاجمل مرات عم وحما في الدنيا
ثم نظر الي زوجته بعشق وجلس بجانبها وهو يهمس قائلا وحشتيني ياحببتي
رفع شريف رأسه عن طبقه قائلا بنفاذ صبر ماتتلم مش ملاحظ اني موجود
وعندما وضع ممدوح بيده علي بطن زوجته
انفجروا جميعهم من الضحك وممدوح يحدث طفله قائلا خالك بيقولي اتلم عشان بعاكس امك شكله نسي ان اخته خلاص بقيت بح
أبتسم شريف بحب وهو يتأمل خجل اخته الصغيره وطفلته كما كان يسميها حتي قالت امه بسعاده شريف قرر يتجوز ياممدوح
لتقف نسرين قائله بتهلل بجد بجد ياشريف اكيد شوفتها امبارح في فرح فارس قولي مين ها حد من قرايبنا صح
تابع زوجها بالحديث قائلا وهو يغمز له شكلها واحده فرنسيه
تنهد بتأفف وهو يري نتائج لحظة تهوره قد انسكبت عليه حتي ابتسمت امه قائله ابني مش هتجوز من بنات اوروبا بلا فرنسيه بلا انجليزيه 
نظر هو الي طبقه بضيق حتي تذكر ماكلفه به فارس بأن يتابع اخبار شركته الهندسيه فنهض متحججا قائلا متستعجلوش قريب اوي هتعرفوا هي مين
وانحني كي يطبع بقبله حانيه علي جبين والدته ثم ايديها قائلا متقلقيش ياست الكل هي مصريه !
وتركهم جميعا مذهولين وغادر امام اعينهم بأناقته ووقاره الذي اصبح يمتاز بهما
جلست بجانب والدها وهو يتفحص جريدته حتي قالت له بهمس بابا انا عايزه اقولك علي حاجه
لتسمع صوت امها يناديها من المطبخ قائله يازهره يابنتي تعالي ساعديني الله يخليكي
نظر اليها والدها بتوجس حتي قال سيبك منها قولي عايزه ايه يابنت ابوكي
لمعت اعينها بسعاده قائله عايزه اشتغل زي جميله انا لقيت اعلان في جريدة امبارح وبفكر اقدم فيها
نظر اليها اباها بفرحه قائلا اخيرا يابنتي !
تأملت اعين اباها وهي تتذكر رغم شدة ذلك الرجل الا انه لم يهدم حلم احدا فيهم ابدا سوا هي او أختها ولم يجبرهم علي شئ فحين تخرجت اختها جميله وارادت ان تخطوا اول خطوه لها في البحث عن عمل قد شجعها وعندما هي تخرجت ولم ترغب في ان تعمل لم يفرض عليها رئيه ولكن هي احبت ان تجلس مع والديها ترعاهم وتساعد امها في اعباء المنزل
نطقت بسعاده وهو تقبل يده قائله احلي فنجان قهوه محوج هعملهولك يا عم منصور ياعسل انت !
اخذ يتابع سير العمل بهدوء حتي وجد هاتفه يرن لينتبه الي اسم المتصل ليحادثه قائلا اهلا بالعريس اللي دبسني في الشغل يعني انا نازل اجازه اطمن علي خالتك وماشي تدبسني
ليضحك فارس وهو يحادثه قائلا جاي عشان خالتي ولا عشان الصفقه الجديده اللي هتعملها هنا وكمان ياعم شريف انت ناسي ان ليك نسبه في الشركه وبتاعتك زي ماهي بتاعتي
تمتم شريف بضيق قائلا فارس قولتلك مليون مره ديه شركتك ومش معني اني ساعدتك يبقي اخد تعبك ومجهودك
ليأتيه صوت فارس قائلا مش عارف اقولك ايه ياشريف انت فعلا اخويا وتابع بحديثه قائلا اخبار الشغل ايه صحيح
ليتأمل شريف احد الاوراق قائلا متقلقش كله تمام روح انبسط مع مراتك
واغلق الهاتف في وجه وهو يبتسم حتي وجد هاتفه يرن ثانية ولكن برقم اخيه هشام الذي هلل قائلا باركلي ياشريف نهي حامل !
مسحت دموعها بسبب ذلك البصل اللعېن حتي وجدت امها تضحك قائله عشان تبقي ست بيت شاطره لازم تحاربي البصل
تمتمت زهره قائله ما انا بسبب بصلك ياست الكل قررت اسيب المطبخ كله ليكي وادور علي شغل وحاربي انتي البصل يانور عنيا
طالعتها امها قائله شغل ايه يابنتي مش كفايه اختك متبهدله انا لولا ان معاها حازم مكنتش رضيت ابدا ربنا يكرمك بأنسان يهنيكي ويسعدك بلا شغل بلا
هم ماانا اشتغلت في شبابي وسيبت الشغل عشان اربيكم بعد ما خسړت بسببه اخوكي
ودمعت عين
والدتها بالذكريات فأقتربت من والدتها وهي تشفق عليها بسبب هذه الذكري رغم انها لا تذكره
زهره بحنان ياماما ده قضاء ربنا ومن سنين طويله ادعيله
نطقت والدتها بصعوبه قائله ياحبيبي الحمي كانت جايه جامده عليه ومستحملهاش كان طفل صغير لو كان عايش دلوقتي كان زمانه راجل كبير
أبتسمت زهره لامها بحب قائله ياماما ياحببتي ربنا مش بيحرمنا من حاجه غير لما بيعوضنا