خطيبي سابني

منها اصل سمير ده من املاكها
مروة 
أها قولت ليه اومال الزغاريط دي هتكون ليه يلا ياخبر بفلوس بكرة يبقا ببلاش
وبعدها رجعت حماتي وشريف البيت وهما بيضحكو وبيهزرو وحامد كان مستنيهم وقال لهم 
الله الله ده الضحك والهزار ده وراجعين كده في نص الليل ايه كنت فين كده
الحما 
كنا نخطب لابنك ياراجل ما انت انا روحت بقا انا وابني حبيبي وخطبت له بنت عم اللي ماتتسمي وبقينا نسايب الناس الكمل مش الناس اللي تعررر
حامد 
لا حول ولا قوة الا بالله انتي برضو ياوليه عملتي اللي في دماغك ورحتي خطبتي له بنت عم البنت والله حرام عليكي كده
الحما 
حرمت عليها عيشتها ياحامد ماتكون الا مروة وامها دول ياخويا سيرتهم على كل لسان انت كنت عايز تناسب واحده ماشية على حل شعرها هي وبنتها
حامد 
عيب كده ياوليه كلامك عن الناس ده الله اعلم بكل واحد وبعدين الست عمرنا ماشوفنا منها حاجة وحشة لا هي ولا بنتها
الحما 
بقولك ايه انا سمعت بوداني وعرفت انهم كده ايه هنكدب الناس كلها ونصدقهم هما
حامد 
وانت ياشريف هي امك تقول لك تعالي اخطب لك تروح كده وخلاص معاها من غير ماتعرف اذا كنت هترتاح معاها ولا لا
شريف 
ماهي يابابا ندى بنت كويسة وابوها وامها كمان
حامد 
ماشي انت حر يابني خليك ماشي ورا امك لحد ماتغرقك 
وسابهم ودخل اوضتة وامه قالت له سيبك منه ياحبيبي بكرة هتبقا
اسعد واحد في الدنيا
وتاني كنت نازله رايحة اشتري حاجات وقابلتني ندى بنت

عمي في الشارع وقالت لي 
ازيك يا مروة كويس اني قابلتك اصل انا كنت رايحة عندكم
مروة بضيق 
قال ياقاعدين يكفيكو شړ الجاين خير ياندي كنتي جايه لنا ليه في ايه
ندى 
ابدا مافيش وبعدين هو انتو ماسمعتوش الزغاريط اللي كانت عندنا امبارح مش انا كنت بتخطب
مروة 
ايه ده بجد الف مبروك ياندي وده مين ده سعيد الحظ بقا اللي جه وخطبك ده
ندى 
امممم لا ده العريس ده مفاجأة بقا العريس ياستي يبقا شريف حامد
مروة پصدمة 
مييين شريف انتي متأكده انه شريف
ندى 
اه ياحبيبتي شريف ومتاكده طبعا اومال ايه هي الصدمة أثرت على دماغك ولا ايه بقولك شريف خطبني وكنت جايه اعزمك على كتب الكتاب بتاعنا يوم الخميس اللي بعد الجاي
مروة 
طيب وعمي وافق عليه كده لما يبقا سايبني ويطلع ندل معايا ويروح عشان يخطبك بصراحة انت الاتنين لاقين على بعض
ندى 
ماهو مش سابك من فراغ يامروة برضو ده سابك لما سمع عنك وعرف ان سمعتك في الحارة بين الناس مش كويسه انتي ومامتك
مروة اتعصب وقولت 
انتي بتقولي ايه انتي عارفه كلامك ده ايه انتي اټجننتي ولا ايه
ندى 
هوووش وطي صوتك انتي مش ناقصه جرسة وفضايح في الحارة وعن اذنك بقا لحسن خطيبي يشوفني واقفه معاكي يعملي مشكلة باااي
وسابتي بغلي من الڼار اللي جوايا ومشيت ورجعت البيت وانا مڼهارة من العياط ماما قالت لي 
ايه ياحبيبتي مالك في ايه بټعيطي ليه هو انت لحقتي تروحي مشوارك
مروة 
لا ماروحتش في حته ياماما تصوري ان شريف راح وخطب البت اللي اسمها ندى بنت عمي يرضيكي كده ياماما
الام 
استغفر الله العظيم ليه كده بس لكن ارجع واقولك ان دي حاجة مش تزعل لك ياهبلة انتي ده ربنا هو اللي بعده عنك عشان يروح للي شكله واللي زيه سيبك منهم
مروة 
ازاى ياماما بس انا جوايا نااار بتغلي من اللي حصل ده انا نفسي اۏلع فيهم وانتقم منهم ياماما انا تعبانة اوي
الام 
لا لا ياحبيبتي انتي قولي الحمد لله انها جات لحد كده وان ربنا عمل كده عشان يبعدهم عنك خالص ودي حاجه كويسه
وفي الوقت