اتبرعت لخطيبي بكليتي واول ما خف بقلم هويدا زغلول

الحاله اللي هو فيها دي وصممت افضل جنبة وعدت شهور وهو بيتعالج واترفد من شغله
ورجع عمر البيت بعد ماتعالج وفضل قافل على نفسه مش عايز يكلم حد واتصلت بيه قولت له
انا عايشه اشوفك ياعمر ارجوك خليني اقابلك ولو لمره واحدة بس عايزة اتلكم معاك واطمن عليك وحياتي عندك
جه عمر في المكان اللي بنتقابل فيه ولقيت شكله خاسس ووشه بهتان قولت له
مالك ياعمر انت شكلك عامل كده ليه هو انت لسه تعبان ولا ايه ارجوك طمني عليك
عمر
انا كويس ياهنا اطمني عليا مفيش حاجة انا زي الفل
هنا
طيب انا مش هسيبك وهفضل جنبك حتى لو مهما يحاولو يبعدونا عن بعض انا هفضل معاك

عمر
ارجوكي ياهنا اسمعي كلام اهلك دول خايفين عليكي وعايزين مصلحتك وانا مش عارف هعمل ايه واديكي شايفه اترفدت من شغلي ومش عارف اعمل ايه
هنا
معلش ياعمر كل حاجة هتتصلح وان شاء الله تلاقي شغل احسن في حته تانية تفاءل خير
عمر هز راسه بالموافقه وسكت ورجعت البيت ماما قالت لي
هو ابوكي مش منبه عليكي ملكيش دعوة بالولد ده ولا انتي مش بتسمعي الكلام انتي عايزة تعملي مشكله مع ابوكي
هنا
انا مش هبعد عن عمر ياماما وهفضل جنبة
الام
ياهنا احنا خايفين عليكي ايوه انا عارفه انك بتحبي من وانتي صغيره ومتعلقه بيه بس اديكي شوفتي اللي حصل منه كله وقدام عنيكي
هنا
اللي بيحصل ده عادي مع كل الشباب وبعدين عمر عدي الازمة خلاص واتعالج وبقا زي الفل وان شاء الله يلاقي شغل احسن ويروحو وربنا يكرمة
الام 
خليكي انتي كده عايشه على أمل انه يبقا كويس وهو عمره ماهيتعدل ابدا وانا اهو وانتي اهو ياهنا وبكرة تقولي ماما قالت
وبعد كام يوم لقيت طنط ناهد بتكلمني وهي بټعيط وقالت لي ان عمر تعبان وهايروح المستشفى
رحت بسرعه ودخلت اسال الدكتور
لو سمحت يادكتور هو عمر عنده ايه
الدكتور قالي
للأسف ........