روح مراتي

وقالتلكم تلعبوا مع رودينا بنتها وانتوا خوفتوا تقولولي 
يوسف لا يا بابا طنط مش بتيجي هنا بس هيه ساعات بترن الجرس وبتقولنا نروح نلعب مع رودينا .
ايهاب وبتروحوا تلعبوا معها هناك ولا بتيجي تلعب معاكم هنا 
يوسف لا هيه مش بتبجي هنا سيف اللي بيروح ساعات يلعب مع رودينا هناك وأنا بقعد هنا لوحدي .
قام ايهاب و خرج ودق جرس باب جارته ام رودينا .
ايهاب مساء الخير اسف اوي اني برن عليكي دلوقتي .
ام رودينا لا ابدا مفيش حاجة احنا جيران واهل .
ابهاب ابو رودينا موجود 

أم رودينا لا هوه في الشغل ومش بييجي الا بالليل متاخر .
أيهاب بعد أذنك كنت عايز أسألك اذا كنتي لاحظتي أن فيه حد ببدخل الشقة عند الاولاد وانا في الشغل ولا لأ 
أم رودينا لأ ابدا ملاحظتش حاجة زي كده ده حتي بعد ۏفاة المرحومة كنت عايزاهم يلعبوا مع بنتي لكن قالولي انك
مانعهم يفتحوا الباب لحد وبالعافية لما سيف ابنك وافق يلعب مع رودينا هنا عندي .
ايهاب طيب متشكر جدا واسف ع الازعاج .
ام رودينا فيه حاجة ضاعت من البيت عندك وشاكك يكون حد دخل سرقها 
ايهاب لأ ابدا لكن الاولاد بيقولولي كلام غريب اوي .
أم رودينا كلام غريب زي اي 
ايهاب بيقولولي ان مامتهم الله يرحمها بتيجي تقعد معاهم وانا في الشغل !!!
أم رودينا فعلا انا سمعتهم بيقولوا الكلام ده وشكيت أن فيه حد بيجي البيت وانت مش موجود وقعدت يومين براقب البيت ومشوفتش اي حد غريب دخل البيت عندك .
ايهاب انا هتجنن من التفكير في الموضوع ده ومش عارف اوصل لنتيجة .
ام رودينا متشغلش بالك بكلام الاطفال وانتبه انت لشغلك ومتخافش عليهم الاطفال في السن ده خيالهم واسع وممكن يحكوا حكايات كتير كلها ملهاش اي اساس الا خيالهم .
ايهاب اتمني فعلا تكون تهيؤات مش حقيقة وعموما انا اسف اوي لازعاج حضرتك .
أم رودينا لأ ابدا أنت ليه مفكرتش تركب كاميرا مراقبة 
ايهاب وهوه ينفع اركبها جوه البيت 
أم رودينا طبعا ينفع لكن بعد اذنك ركبها جوه شقتك بحيث مش ټجرح حد من الجيران .
ايهاب اكيد طبعا أنا مش عارف ازاي الغكرة دي مجتش في تفكيري !!!
ام رودينا أعتقد الفكرة دي هتساعدك كتير لأن انا كمان بصراحة قلقانة.....
الحلقه التاسعه 
بقلم عادل عبد الله
ام رودينا أعتقد الفكرة دي هتساعدك كتير لأن انا كمان بصراحة قلقانة بس خۏفت اكلم حضرتك عن كلام الاولاد اسببلك قلق عليهم .
ايهاب انا متشكر جدا وبكره بأذن الله هكون ركبت كاميرا في الشقة .
دخل ابهاب شقتة بعدما شعر بنوع من الارتياح ثم اتصل بصديقه مروان ....
ايهاب مساء الفل يا ميرو .
مروان مساء الفل يا ايهاب ايه يا عم ما شاء الله باين عليك مبسوط والحمد لله خير وصلت لحاجة في موضوعك 
ابهاب كلمت جارتنا هنا عن الموضوع واقترحت عليا اركب كاميرا جوه الشقة علشان اتأكد من كلام الولاد واشوف اذا كان فيه حد فعلا بيدخل الشقة وانا مش موجود .
مروان صح فكرة ممتازة احنا ازاي الفكرة دي كانت غايبة عن تفكيرنا !
ايهاب يضحك المرأة يا سيدي أسأل عن المرأة .
مروان لأ فعلا فكرة هايلة جدا .
ايهاب طيب شوف لو تعرف اي حد بيركب كاميرات ييجي بكره يركب كاميرا هنا في الشقة .
مروان متشلش هم بكره بأذن الله اكون اتفقت مع حد يخلصلك الموضوع ده .
جلس ايهاب يلعب مع ابناؤه بمنتهي السعادة ولأول مرة منذ مۏت زوجته تبدو علي وجهه السعادة فهو علي بعد خطوات من حل كل تلك الالغاز المحيطة به او علي الاقل سيتضح له بداية الخيط لحلها .
حان وقت النوم وذهب ايهاب مع ابناؤه ليناموا وبمجرد أن وضع رأسه علي وسادته غاص في نوم عميق ....
ايهاب يقف في منتصف غرفته يبدل ملابسه وينظر في المراه ليجدها واقفةخلفه تماما !!!!!
يلتفت ايهاب ليجد سحر تقف أمامه مباشرة وتبتسم !!!!
ينظر لها ولا يكاد يصدق عينيه !!!
معقووول !!! سحر !!!! أنتي لسه عايشة 
انت شايف ايه 
ايهاب شايفك لسه عايشة وواقفة قدامي اهو وبتتكلمي كمان .
انت لسه بتحب سحر 
ايهاب ايوه طبع... اي ده ! ماهو انتي سحر با حبيبتي !!!
انا هيه وفي نفس الوقت